Պատմաբան Դիրկ Ռոոդզանտն այցելեց Հայաստանի դեսպանություն

01 հունիսի, 2021

Դեսպան Տիգրան Բալայանը հունիսի 1-ին ընդունեց նիդերլանդացի պատմաբան, Ամստերդամի համալսարանի դասախոս, դոկտոր Դիրկ Ռոոդզանտին, ով ապրիլի 23 -ին պաշտպանել էր Հայոց ցեղասպանությանը նվիրված իր ատենախոսությունը։ Ատենախոսությունը հիմնված է 1889-1923թթ. նիդերլանդական դիվանագիտական արխիվների, մամուլի հրապարակումների վրա:

Ատենախոսությունն ամփոփված է Ռոոդզանտի հեղինակած «Հայկական սարսափները» գրքում։

Հայաստանի դեսպանը շնորհակալություն հայտնեց գիտնականին կատարված հսկայածավալ աշխատանքի համար՝ ընդգծելով, որ հետազոտության հանրայնացումը կարևոր է հատկապես հիմա, երբ ակնկալվում է ՆԹ կառավարության կողմից Հայոց ցեղասպանության ճանաչումը:

Դեսպան Բալայանն ու դոկտոր Ռոոդզանտը համակարծիք էին, որ Արցախի դեմ ադրբեջանաթուրքական վերջին ագրեսիան և Ադրբեջանի զորքերի ներխուժումը Հայաստանի տարածք ցեղասպան քաղաքականության շարունակություն են հանդիսանում, և դրա հեղինակները բացահայտ խոսում են այդ մասին:

Հանդիպմանը քննարկվեց նաև այլ լեզուներով գրքի հրատարակության և պատմաբանի հավաքած նյութերեի հիման վրա ցուցահանդես կազմակերպելու հնարավորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր